وجدت في مكتبة البيت ديوان شعر عمر الزعني، رحمه الله، واخترت منه للقارئ

له قصيدة عنوانها "غنّي يا زعني" ومنها: وبتقولوا لي غنّي غنّي / غنّي وفرفح يا زعني / كيف ممكن غنّي واشرب / وأتهنى بكاسي واطرب / والجوّ مسموم ومكهرب / من هالجو ما في مهرب / نفسي وروحي عطشانة / ومالي وصول للسبيل

في قصيدة عنوانها "ما بهوى حد" قال: ما بهوى حد وما بكره حد / ولا عندي فرق بين جمعة وحد / ما عندي فرق بين غرب وشرق / صدري واسع ما يحده حد…

له قصيدة عنوانها "على ايام الانتداب" ومنها: على ايام الانتداب / عهد الظلم والارهاب / ما كنت خاف ولا هاب / لا حكومة ولا نواب / اما اليوم ألف حساب / صرت أحسب للأذناب…

في قصيدة عنوانها "من داق عرف" قال: عرق الحيا في الدنيا داب / حتى الشرف ما لوش حساب / الكنفشة داء الشباب / والفرنجة أصل الخراب / لو تعلموا يا مصلحين

قصيدة "صندوق الفرجة" تبدأ بهذه الكلمات: شوف تفرج يا سلام / شوف أحوالك بالتمام / شوف قدامك عجايب / شوف قدامك غرايب / يا حبيبي لو بتشوف / شوف أحوالك عالمكشوف

في قصيدة عنوانها "رزق الله عالعزوبية" قال الزعني: تزوج والزيجة هنيّة / والأعزب عيشته بليّة / تزوجنا لننستر / رزق الله عالعزوبية

له قصيدة عنوانها "لو كنت حصان" وأختار منها: لو كنت حصان في بيت سرسق / باكل فستق باكل بندق / ما كنت بسرق زي الزعران. هو يكمل: لو كنت حصان في بيت فرعون / كان لي بنسيون عشرين كرسون / ما كان بالكون متلي إنسان

في سنة ١٩١٨ قال: الموت، الموت يا محلاه / قلبي والله بيتمناه / صار لي زمان بستناه / حتى الموت محروم منه واأسفاه / ما دام الشب عايف سماه / الموت أشرف/ عيشة منيحة وإلا بلاه

وله قصيدة عنوانها "مجنون وما له دوا" تبدأ بهذه السطور: مجنون وما له دوا / مين قال النسوان سوا / في منهم جواهر / في منهم قواهر / وفي منهم يا ساتر / للهوى وشم الهوا

أما قصيدة "عالهوب الهوب" فيقول فيها: عالهوب الهوب الهوب / والقاضي لابس روب / والحق آخذ مجده / ما عاد في ظلم بنوب / على حقك ما بقى نخاف / الحكام صاروا نضاف / والابوكاتيّة ظراف / ما بيتهموا احد جوب. وأترجم هنا الابوكاتية المحامون وجوب معناها غش

وللزعني قصيدة "أبو عفيف" منها: أبو عفيف شاب وظريف / دمه خفيف أكله نظيف / طيب ونضيف عند الحساب / يا لطيف يا لطيف / أبو عفيف

أما القصيدة "كريزا" فتبدأ بهذه السطور: الست بتعرف شو كريزا / بتعرف شو قصّت ليزا / أي متى خطبت ثريا / وأي متى إكليل لويزا

قصيدته "الوزير" تبدأ بهذه السطور: قالوا مرة للوزير / ليش بتحب المال كتير / قال لهم ليش البط بيعوم / والعصفور ليش بيطير / كل الناس بتهوى المال

ومن أجمل قصائده "النوفو ريش" ومنها: كان جلبوط وأشلاميش / صار له لحم وصار له ريش / جمع المال بالحيَل / وبنى قصور بالعَجَل / وإجا يندسّ بالعِيَل / ويخفي عيوبه والعلل / بالهدايا وبالبخشيش

وقصيدته "يا ريّس" تبدأ هكذا: بدنا بحرية يا ريس / صافيين النية يا ريس / بزنود قوية يا ريس / أبدا ما تحلّس يا ريس / البحر كبير يا ريس / بحرية حمير يا ريس / فرحان كتير يا ريس / لأنك ريس يا ريس

قصيدته "يا بيتي يا بيوتاتي" منها: يا بيتي يا بيوتاتي / يا مستّر عيوباتي / فيك ولدت وتربيت / وفيك بربّي وليداتي

وأختتم بالقصيدة "بين سوريا وروسيا" وفيها يقول: بين سوريا وروسيا في حرفين مختلفين / حط السين بدل الرا / وحط الرا بدل السين / بتلاقيهم بالحروف والألفاظ متساوين / من شان هيك بالتجارة والسياسة متفقين

قد يهمك ايضا 

وزير الدفاع التركي يتفقَّد الوحدات العسكرية العاملة قرب سورية

وفد الحكومة السورية قدم مشروع الإدارة المحلية مع قوى عربية في القامشلي