"أوس أوس" يُدافع عن زوجته بعد تعرُّضها لهجوم ضارٍ الأيام الماضية

دافع الفنان المصري محمد أسامة الشهير "أوس أوس" عن الهجوم الكبير الذي تعرَّضت له زوجته خلال الأيام الماضية بسبب مشاركتها في حفل زفاف شقيقة الفنان مصطفى خاطر رغم عدم مرور 90 يوما على وفاة ابنها، حيث اتّهمها بعض روّاد السوشال ميديا بأنها نسيت طفلها الراحل ولم تعد تتذكره وهو ما أصابها بصدمة نفسية على حد قول زوجها.

اقرأ أيضا:

نهال عنبر تُعلِّق على تأديتها دورًا كوميديًّا للمرة الأولى في "عمر ودياب"
وأضاف أوس أوس عبر "إنستغرام": "أنا مش محتاج أبرر وأحكي أي حاجة عن حياتي والست اللي قلبي اخترها كنت ساعتها في أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت أقعد في بيت إيجار كمان، أنا بس هكتفي بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل أكتر من كده) الفلوس ممكن تشتري سرير بس ما تشتريش النوم!".
وأضاف: "مش أنا بس ده أغلب المشاهير اللي بتحسدوهم على حياتهم دلوقتي ماتعرفش بدأ من إمتى واتبهدل إزاي ولولا وجود حد جنبه بيسنده ويدعمه ماكانش هيعرف يعدي مِن أي مشكلة نفسية أو مادية في حياته.. ومش معنى إني بانزل أشتغل أو باتصور وأنا مبسوط ده معناه إني هموت من الفرحة بس دي مهنتي واجبي ناحية جمهوري إني أخرجه مِن أي حزن هو فيه كل ده باعمله على حساب حزني وجرحي ووجعي أنا" .
وتابع: "في الآخر بتشتم برضه! أنا باقول الكلام ده ولن أسمح بأي تدخل في حياتي الشخصية مرة أخرى سواء بالخير أو بالشر أو دخول اسم مراتي في أي كلمة من كلام المرضى النفسيين.. مراتي اللي أخوها متوفى وابنها متوفى وما صدقت أول مرة أخرّجها نروح مناسبة ودمرتوها نفسيا تاني بكلامكم المريض.. حسبي الله ونعم الوكيل فيكم.. حقك عليّ يا ست الكل".
واختتم أوس أوس كلامه، قائلا: "سكت كتير وكنت باعدي لكن مافيش فايدة.. كل واحد يركز في حياته.. الطموح حلم مشروع عند كل الناس اسعى واتعب وكافح وربنا اللي بيكافئ مش البشر بدل ما تفضل تبُص فى حياه الناس".
وتداول رواد مواقع التواصل الاجتماعي أول ظهور لزوجة أوس أوس بعد وفاة ابنها الطفل بشكل مفاجئ مؤخرًا وهو بعمر الثلاثة أشهر.
وسبق وحسم أوس أوس الجدل بشأن سبب وفاة ابنه الرضيع "علي"، وقال إن الوفاة كانت طبيعية، نافيًا ما تردد عن تعرضه لحادث في المنزل تسبب في وفاته، وقال: "إنا لله وإنا إليه راجعون.. الله يرحمك يا على يا حبيبي.. ماتتعزش على اللي خلقك”، مضيفًا: “الوفاة طبيعية كان نايم وزي الفل، ربنا يصبرنا على فراقك".
يُذكر أن آخر أعمال الفنان محمد أسامة “أوس أوس” الدرامية، “مسلسل 2 في الصندوق”، الذي شارك في موسم مسلسلات رمضان 2020، من تأليف لؤي السيد وإخراج محمد مصطفى، وشاركه البطولة، حمدي الميرغني، حجاج عبد العظيم، نهى عابدين، بيومي فؤاد، صلاح عبد الله، انتصار، رحاب الجمل، هايدي رفعت، أحمد عبد الله محمود، وغيرهم.  

قد يهمك أيضا:

أوس أوس يهنئ تامر حسنى بعيد ميلاده

مصطفى خاطر ومحمد عبد الرحمن يخوضان تجربة سينمائية جديدة