كريم فهمى ينتهي من تصوير دوره في مسلسل "حكايات بنات"

أعلن الفنان كريم فهمى عبر صفحته الشخصية على موقع التواصل الإجتماعى "إنستجرام " عن إنتهاء دوره ضمن مسلسل حكايات بنات مع اخر حلقات الجزء الثانى من العمل وبدا قائلًا :" مع اخر حلقة في الجزء الثاني يكون انتهي دور عاصم و بالتالي انتهاء دوري في مسلسل حكايات بنات اللي ربنا سبب فيه الأسباب و خلاه السبب ان الناس تعرفني أو خلاني موجود علي خريطة الممثلين ، المسلسل ده انا بحبه جدا و هفضل شايله الجميل ده طول عمري " .

وتابع قائلًا: " عاصم اكتر شخصيه حبتها من اللي مثلتهم يمكن عشان كان انطلاقه بس فعلا حبيته بهدوئه وقوته و حبه لأحلام ، لما جينا نعمل الجزء الثاني كنت خايف معرفش أمسك الشخصية عشان كانت من خمس سنين بس مع اول شوت عفريت عاصم ركبني ، شكرًا كل من شارك في حكايات بنات علي رأسهم المنتج طارق الجنايني و فريق الانتاج ، الممثلين و طبعا صبا مبارك عشان ديه شريكة النجاح ، باهر دويدار المؤلف ، و مخرج الجزء الاول حسين شوكت و مخرج الجزء الثاني اللي برضوا عمل مجهود رهيب مصطفي ابو سيف " .

واختتم حديث قائلًا " شكرًا لكل عامل اشتغل في حكايات بنات ، شكرًا ندي أكرم و ربنا معاكوا في الجزء الثالث كلكوا ، و اللي عايز اشكره بجد جمهور حكايات بنات اللي عنده ولاء و حب للمسلسل مشوفتوش قبل كده ، إنتوا سبب نجاح المسلسل و سبب نجاح عاصم ، شكرًا حكايات بنات " .