ريهام سعيد ترد على منتقدي ظهورها في شهر رمضان

وجهت الإعلامية ريهام سعيد في حلقة أمس الاثنين من برنامجها "صبايا الخير"، المذاع عبر شاشة "النهار"، رسالة لمنتقدي ظهورها فى مسلسلات وبرامج رمضان الماضي.

ريهام سعيد ردت على اتهامها بالمبالغة، قائلة: "هناك من قال عليا بتأفور وبتشحت فى التليفزيون، وكل ممثل جاب سيرتي في برنامج ولا مسلسل.. ما تتلحلح كدة وتساعد فى علاج حالات البرنامج علشان إحنا ما بنهزرش"، وتابعت مهاجمة منتقديها: "أنت بتهزر وتروح تمثل وتاخذ مش عايزة أقول كام.. أنا في رمضان كان اسمي الغائب الحاضر فى جميع المسلسلات والبرامج مثل الرؤساء وأنا سعيدة بده فلو اسمي ما بيشدش أو أنا مش معروفة مكانش اتذكر". 

أضافت: "مفيش حد اتصل بيا وسألني عن حالات صبايا الخير دي ممكن تكون محتاجة إيه ولا قالي أنا عملت مسلسل بكذا وعايز أساعد بجزء، اتريق بس ساعد، بضايق قوي لما بحس أن الناس أصبحت مجردة من كل حاجة، عملنا حلقة عن العفاريت كل الناس افتكرت العفاريت مع أنها حلقة واحدة، وعملنا مئات الحلقات عن الحالات دي محدش افتكرهم".