خالد الصاوي يؤكّد أن مشاركته في حملة الوقاية من "كورونا" واجب وطني

أبدى الفنان المصري خالد الصاوي، سعادته وفخره بالتكريم الذي حصل عليه من مهرجان قصر السينما، عن إخراجه فيلمه القصير "قصر نظر" منذ 18 عامًا.وقال الصاوي: "الفيلم ده من 18 سنة وله ذكريات عزيزة علي جدا، وأخذنا عليه جائزة، وبفتكر بكل الخير الأيام الحلوة وزملائي والقيادات اللي اشتغلت معاهم".وأضاف: "أولهم الأستاذ حسن حامد مؤسس قطاع النيل للقنوات المتخصصة، وآخرهم حسام البهنسي وعادل عبساوي اللي عملوا إحياء للشغل اللي إحنا عملناه في مطلع حياتنا".وعن تكريم وزارة الصحة له بسبب مشاركته في حملة الوقاية من فيروس كورونا، قال خالد: "شيء مشرف جدا ليا، أنا من الناس اللي بالتجربة والحاجة اللي مؤمن بيها بعرف أعبر عنها، مبعرفش أعمل حتى إعلان عن حاجة مش مصدقها أوي ولا مقتنع بيها".وأردف: "أنا من الناس اللي أصيبت بفيروس سي قبل كده، حاولت أتعالج في الخارج معرفتش، وفي الآخر اتعالجت في بلدي بدكاترة بلدي وحكومة بلدي".وواصل الفنان المصري حديثه قائلًا: "كان في واجب في رقبتي لازم أعمله، حاولت أقدم جزء منه في حملة مليون صحة للقضاء على فيروس سي وعملنا خطوات جامدة فيه".وعن تكريمه في مهرجان الجونة وما إذا كانت الجائزة مناصفة بينه وبين النجم الراحل خالد صالح، قال الصاوي: "خالد صالح يستحق تكريم لوحده ويستحق إن ميكونش فيه مناصفة بينه وبين أي حد، هو أخويا فنيا وإنسانيا ولما كنت بخرج كان هو البطل المفضل اللي أحب أشتغل معاه".واختتم: "لو كان اتقال إن في مناصفة كنت هقول لا، وعن طيب خاطر كنت هطلب إن الدورة دي تكون لخالد صالح، وأنا أبقى أتكرم بعدين سواء وأنا عايش أو بعد ما أموت مش مشكلة".يذكر أن خالد الصاوي شارك في آخر أعماله بمسلسل "ليالينا 80" الذي تم عرضه في موسم دراما رمضان الماضي، ولاقى إعجاب الكثير من الجمهور؛ لوجود العديد من النجوم، بالإضافة إلى عودته لثمانينات القرن الماضي. وشارك في بطولته، مجموعة من النجوم: منهم إياد نصار، صابرين، وغادة عادل.

قد يهمك ايضا :

مهرجان الجونة السينمائي يُكرم الفنان المصري خالد الصاوي

خالد الصاوي يكشف أن فيلم " آذار" تجمعت فيه كل عوامل النجاح