الفلانتين في مقدمة اهتمامات المصريين على "تويتر"

طغت مظاهر الاحتفال بعيد الحب "الفلانتين" 14 فبراير، قبل موعده بـ14 يوم على مواقع التواصل الاجتماعي، الجمعة 1 فبراير.  وجاءت جملة "هتعمل_ايه_في_الفلانتين" من أكثر الجمل انتشارا على موقع التواصل الاجتماعي "تويتر"، حيث قالت أيه: مش هعمل حاجة، بالنسبالي يوم مالوش أي لازمة ومكروه، وقالت فريدة: هعود اتفرج على البنات الفرافير اللي يجيبوا تلوث بصري اللي يلبسوا أحمر وكالعادة هاتريق.  وقالت أحد الرافضين للاحتفال بعيد الحب: طول عمرنا في ذل وبنقلد الغرب في أي حاجه .. عزتنا الوحيدة بتمسكنا بإسلامنا يامسلميييين .. خلو عندكو عزه نفس شوية، وقالت أخرى: هيعدي زيو زي أي يوم تاني معندناش المسخرة دي ..اصل إحنا مش نائصين.  وأضافت رحمة: هلبس تيشيرت أحمر وأقعد في البيت عادي جدا، وقالت شروق: هلبس أنا وهو هدوم نفس الشكل ونفس اللون وننزل نجيب لبعض ورد، وأضافت أحد المغردين: هجيب لنفسي بوكيه ورد وأحطه قدام باب الشقة وأعمل نفسي متفجأه والجو دة.  وقال بولس: مش هعمل حاجة، هيبقى بالنسبالي يوم زي أي يوم، وأضاف أمجد: وأنت فاكرني كل فلانتين هجيب هدايا ودباديب..يا راجل كبر مخك.